《專輯介紹》潘越雲 - 鏡


歌手:潘越雲
專輯年度:2019年
專輯名稱:鏡
 鏡裡的女人是自己
鏡外的自己為誰容
其實一個人過日子還算自在
只是多了幾分憂傷
陳子鴻、武雄、游鴻明、董事長樂團、亂彈阿翔、何欣穗、江惠儀、廖士賢、黃露儀、廖博儀、鋼琴詩人王俊傑、盧志杰等共同打造十首反映女人心情的新台語專輯。


專輯曲目1:較愛明仔載

作詞:乱彈阿翔
作曲:乱彈阿翔
花若 落土 明年 敢閣來
人若 過去 會予人 想幾擺
越頭做伊去 人講的永遠咧
越頭看過去 心內就微微仔笑
這一生 會記著 幾個人
一無細膩就想著 你一人
當初真單純 完全攏予你
從來無懷疑 你我仝一心 底生活
單純過日 這馬無較䆀
心頭清清 有緣 咱就來
越頭看過去 較早的永遠咧
越頭攏過去 我較愛 明仔載
這時陣 咱心內底向望
等待何時 閣出現彼個人
到陣真單純 真心來陪伴
輕鬆的笑容 你我仝一心 底生活
卡早攏放乎飛 卡早攏放乎飛
期待幸福底對 清空才有機會
卡早攏放乎飛 卡早攏放乎飛
新個才裝得下 未來閣會開花


專輯曲目2:疊衫

作詞:何欣穗
作曲:何欣穗
山頂寒 山跤熱
有人佮意極端的感覺
偏偏你來爬一半 無管輸贏
雨水流 無聲吼
毋免問我 啥人較巧?
趁落雨天大聲哭 我袂計較
天 甘願 問你 有 甘願無?
心愛的歌毋免唱大聲
衫毋免綴時行
你是你 我有我的夢
(一山過一山)
十一月中身軀猶未寒
衫毋免綴咧疊
你是你 我有我的夢
拜託你毋通認真
飼貓 飛粉鳥
你啥物攏欲學會曉
一工過就綴咧走 咱有變老
天 甘願 問你 有 甘願無?
心愛的歌毋免唱大聲
衫毋免綴時行
你是你 我有我的夢
(一聲閣一聲)
十一月中身軀猶未寒
衫毋免綴咧疊
你是你 我是我的主人
心愛的歌毋免唱大聲
衫毋免綴時行
笑笑底過日子的我
拜託你毋通認真


專輯曲目3:女人心

作詞:廖士賢
作曲:廖士賢
月色透清暝 思念踏入心
溫柔的女人 憂愁睏袂去
是風咧吹啊吹 目屎才會綴咧飛
是人生踅啊踅 毋是異鄉較美麗
夢啊夢啊夢 女人的溫柔夢
堅強囥入心 總是為著彼个人
春風秋雨莫來戲弄
望啊望啊望 女人的心事藏
青春彼一暝 毋捌放袂記
風華漸漸失 人生漸漸圓


專輯曲目4:照鏡

作詞:王武雄
作曲:游鴻明
一支胭脂 一塊鏡
兩人講話 一人聽
我看伊 伊看我
我若恬恬 伊嘛無出聲
一罐芳水 一種名
一个女人 一款命
我問伊 伊問我
我若笑伊 伊嘛咧笑我
五分鐘的愛情 四界去探聽
三分鐘的戀歌 雙人唱一段
有時我照鏡 有時鏡照我
一个人 就有 一个人通做伴
一世人的緣份 強求無較縒
一个人的日子 生活較開闊
一張電影票 一條流行歌
一个人就有 一个人的快活


專輯曲目5:年年

作詞:黃露儀
作曲:黃露儀
春天的花蕊 按怎看攏媠
只好藉著月娘 予你看著阮的心
夏天的海邊 雙跤踏海水
天邊燦爛夕陽 越頭看著你的情
啊~甜甜的滋味
啊~青春的當時
秋天的氣味 無糖的咖啡
樹枝伴著枯葉 隨時隨風自由飛
冬天的暗暝 熟似的路邊
燈火猶原親切 歡喜甘願過一生
啊~好比鹹酸甜
啊~封塵的記憶
想來想去 親像一齣戲
講來講去 攏是我佮你
揣來揣去 到底佇佗位
踅來踅去 攏是阮的情


專輯曲目6:一首情歌唱一瞑

作詞:王武雄
作曲:廖博儀
一首情歌唱一暝 一暝偎窗看月咧閃爍
愛是無人熟識的言語 愛情歌才會些遐爾甜
一首情歌唱一暝 音樂陪伴冷冷的城市
愛是無人醫會好的病 才用歌向你來暗示
思念是愛的花蕊 心內的情意若講袂出嘴
就用這條歌 聲聲將愛傳予伊
一首情歌唱一暝 情歌免細膩
雙人來對唱 上甜蜜的記持
一首情歌唱一暝 一暝冷風趕月走去覕
愛是情路失落的住址 你的心藏佇佗一位
一首情歌唱一暝 音樂陪伴苦苦的相思
愛是無人寫會媠的字 我的心猶原無放棄
思念是愛的花蕊 雙人的緣是遐爾可貴
若一再躊躇 是欲等待何時
一首情歌唱一暝 情歌免細膩
雙人來對唱 上甜蜜的記持


專輯曲目7:享受孤單

作詞:盧志杰
作曲:王俊傑
我的世界 攏是夢中 你佇過去 講過的情話
暗夜當中 吹著冷風 路燈青青 照落孤單的路
無需要人來偎靠 毌免寂寞的解藥
抑有朋友陪伴 享受孤單
想著過去你佮我 雙雙對對相偎
如今一个人坐佇客廳
人生毋是你佮我 就是我佮我
過去的生活 有你陪伴
歡歡喜喜攏袂孤單
到如今的我 是我佮我
定定想起 你的形影
無人親像 你遮愛我
面對一个人的孤單
外面世界遐闊
我有我的生活
我的過去 有你陪伴 行過遮濟 坎坷的小路
你的陪伴 予我毋驚 風風雨雨 無情對我咧笑
入門看無你的影 抑無你來牽我的手
只賰我徛佇遮 毋知欲按怎


專輯曲目8:我啊

作詞:江惠儀
作曲:江惠儀
日頭落山
恬恬的路燈跤
奔波的人影
逐一个希望
三更暝半
鬧熱的音樂聲
孤單的人影
唱一條思念
月娘啊
溫柔的心徛予定
袂閃避 袂驚惶
為著有心的人展光線
白雲啊
隨風去飛四界看
若眠夢 若電影
看盡繁華世界的花開佮花謝
閣過一工
人生又閣反一頁
拍開的門窗
月光照入希望 雲嘛來做伴
身邊彼个人
是牽掛嘛是輕鬆
向望的心情


專輯曲目9:美麗的寂寞

作詞:潘越雲
作曲:潘越雲
寂寞的暗暝
月色照著心稀微
孤單的一个人
翩翩跳舞的跤步
愛跳甲何時
寂寞的花開
花落飄向佗位去
異鄉的落雨聲
繁華的夜都市
揣袂著你
想起著心內彼个人
無奈的心情若眠夢
來來去去 原來只有一人 我只有一人
一个人伴著音樂 攬著家己 愈跳愈沈重
過了遐濟年 你的形影 親像彼當時
佇我的夢中流轉
我的心情 親像流星趕月
我的思念 親像冷風亂飛
我心甘也情願 閣繼續等你一个
有迷人的舞步
一个人跳舞也遐爾美麗


專輯曲目10:感謝

作詞:王武雄
作曲:郭人豪、吳永吉
又閣是冷風 吹亂著城市的深夜
引起我心內足濟的感覺
尤其是起起落落 看人世間的變化
我就會想起這條歌
情一字 嘆一聲 往事越頭看
才知情路遮歹行
難免的恩恩怨怨 到如今攏過去啦
我猶原堅定徛佇遮
愛一場 夢一攤 往事免相瞞
當做輪迴咧替換
不管伊冷風 吹亂著城市的深夜
只要你心內還有我 做伴
緣分的來來去去 無需要擱牽掛
我還是當初彼個我
青春夢 純情歌 閣再唱一段
心內充滿了感謝

沒有留言:

技術提供:Blogger.